Programi "Transparenca e Buxhetit"

Programi “Transparenca e Buxhetit” është konceptuar dhe ndërtuar si një instrument për monitorimin e të Ardhurave, Shpenzimeve dhe Investimeve publike të bashkive në kuadër të rritjes së transparencës ndaj publikut. Përdorimi i kësaj platforme ka lehtësuar qasjen e publikut ndaj informacionit si edhe ka ndikuar në përfshirjen e qytetarëve, organizatave të shoqërisë civile dhe bizneseve në vendimmarrje. Duke marrë parasysh natyrën teknike të buxhetit, është e rëndësishme që informacionet të cilat janë pjesë e buxhetit të përgatiten dhe të shpërndahen në mënyrë të thjeshtëzuar në mënyrë që publiku i gjerë të mund t’i kuptoj dhe të jetë në gjendje të bëjë komente apo të kërkojë informacione shtesë. Përmes këtij programi mundësohet transparenca online e buxhetit për publikun, të cilët mund të njihen në kohë reale me çdo detaj dhe punë që ndodh në nivel vendor, duke u bërë edhe pjesë e sugjerimeve online.